kenlau.org

自從有 業主自讓的網站出現之後, 的確影響了地產公司的生意 我個人見到起碼無左1/3的生意額, 開頭好多業主都會以為不經地產慳返佣金. 租客買家想法也是,但時間長左, 問題就會開始出現. 1 ,有好多白撞客打來叫你開門睇樓, 你又唔知乜野人, 你話危險不危險 2,一日有十幾廿個客打來, 個個都話即睇即租, 但睇完又話要想一想.. 你自己開門都門到傻 3, 如果是買家睇樓.就更加大獲. 因為業主自讓. 業主講乜都得. 300呎話350呎又得,死過人又話冇死過………… 以上只是一少部份的問題….. 以下分享一下網上面一些自讓業主遇到的問題..我個人睇法就是幾好笑.哈 唔經地產，就是這樣家啦 轉載 香港討論區 今晚約左個租樓網客， 一對男女仔住。 入到黎驗屍咁驗， 男的扮專家， 話自己做工程，話d水龍頭乜乜，地板又乜乜，窗又有花， 電制又裝斜左。開晒全晒水冷氣15分鐘，又開火爐走左去.又問爐頭可唔可要換， 我話用得就唔會。條友話咁咪要自己洗乾淨.心諗你住酒店咩，我收你幾錢。 驗左30分鐘，我忍唔住講：我買呢度都無你睇咁耐。上手租客剛走，所有野用得無投訴過。佢地先肯停 到埋牙傾價， 我話12000,唔經agent 可以11500 啦，佢話人地有靚裝都係12000,問我10000得唔得。 我話市價租緊12000,有裝13000,我話齊工作證明同即起租最平都要11300. 咁佢又問比幾多免租期， 我話正常幾日囉，佢話但我要下個月先搬得呀，可唔可以明日簽約就比埋key佢。下個月先起租， 我話咁咪3個好幾星期免租。 睇落費事煩，我就話我同太太商量下， 結果我whatsapp佢, 我個單位唔適合， 你租第二度啦。 呢D咁的客唔怪得要去租樓網, 搵AGENT睇,搵鬼睬你.