居屋實際上並不是政府「補貼」業主，而是政府和業主「合資」購買物業，
業主出7成，政府出3成。表面上業主好似好著數，「7折」就可以買到樓，
但問題係負責出其餘3成的那位股東很惡，不但限制業主的售樓對象，
更封鎖業主一切(賣樓以外)產生利潤的可能，不可出租，即使供斷了亦不可加按。
按道理來說，用7折買了樓，應可以租俾人，再將3成分給「股東」，
而股份佔7成的大股東，要加按融資冇理由要得到只佔3成股份的小股東同意，
但事實上居屋 就是一種如此荒唐的系統。再者，買樓時就話7折，到賣樓時，
補地價往往任佢up，可以去到樓價的1倍(即地價佔50%)都得。祥益的汪老闆分析得好好，
不愧居屋專家之名，佢話政府起居屋，冇乜人補地價政府其實有著數，
因為政府持有的3成業權隨時間升值。事實上補地價是以現市價計，很明顯政府都係咁諗。
